Hefteya Sînemaya Kurdî dest pê kir

Li bajarê Derbendîxan yê li Herêma Kurdistanê, heftiya pêşandana fîlmên Sînemayê dê, îro, dest pê kir.
Birêveberê Sînemaya Derbendîxanê Farûq Sabîr, ragihand ku Birêveberiya Sînemayê ya Silêmaniyê dê li hola Kultûrê ya Derbendîxanê, heftiya pêşandana fîlmên dirêj yên kurdî birêve bibe.”

Sabîr xuya kir ku di dirêjahiya vê heftiyê de dê 7 fîlmên kurdî ku piraniya wan di festîvalên navneteweyî de beşdar bûne û gelek xelat jî wergirtine, bêne pêşandan.

Ew her 7 fîlm jî pêk hatine ji, Kwêstanî Qendîl “zozana Qendîlê”, Şewî Hîsab “şeva hîsabê”, Şwênêk Bo Yarî “cihek bo lîstinê”, Dayikanî Min “dayikên min” , Herman, Sirte Legel Ba û Perînewe Le Xubar “derbasbûn ji tozê”.

Ev çalakî ji bal Birêveberiya Hunera Sînemayê ya Silêmaniyê ya bi ser Wezareta Kultûr ya Hikûmeta Herêma Kurdistanê ve tê lidarxistin.

Bajarê Derbendîxan /67 km li başûrê rojhilatê bajarê Silêmanî/ di sala 1972ê bi biryara Serokê wê heyamê yê Iraqê Ehmed Hesen Bekir bû bajar.

Serbûriyek

Author & Editor

Has laoreet percipitur ad. Vide interesset in mei, no his legimus verterem. Et nostrum imperdiet appellantur usu, mnesarchum referrentur id vim.