Di Mîhrîcana Babîlê de bi fîlmê Siloîtxelata baştirîn fîlmê wergirt

Ew bi xwe kesekî bêdeng e, lê berhemên wî zimanê wî ye! Ew bêdeng e, lê mejiyê wî tim di nava dengvedana aşûp û xewnan de ye.
Geh guhdarî pêlên Çemê Xabûrê dike û di nava dilên pêlan de dibe rêwî da wan têbigihe, geh jî kameraya wî li milê wî ye û li pey kişandina dîmenek balkêş ji sirşûta Kurdistanê, ji civaka Kurdistanê, ji gelên Kurdistanê ye. Belê, ew derhêner Kamîran Bêtasî ye. Betasî li ser çêkirina fîlmên xwe wiha dibêje: “
Hûn vê Kurdistanê dibînin, çawa her bûyereke xwe helbesteke, çîrokeke, romaneke, wisa fîlmeke jî. Kurdistan çavkaniya fîlman e. Tu dikarî bi sedan fîilmên evînî, sirûştî, civakî, welatparêzî, bi êş...binivîsî û li ser ekranan pêşkêşî temaşevanan bikî!..”


Meqseda xwe anî cih

Derhêner Kamîran Bêtasî li gundê Bêtasê ku girêdayî bajarê Zaxo ye, di 1972’ya de, di nava malbateke Kurdperwer û hejar de tê dinyayê. Hêj di peçekê de ye bavê wî ji aliyê rejîma Baas a Iraqê ve tê şehîdkirin. Ji ber pir egeran nikare dibistanê bixwîne. Di sala 1986’an dibe pêşmerg e. Lê, her di zarokatiya xwe de her û her xewna wî ew e bibe hunermend û bi riya hunerê derd, êş û hezkirinên xwe bîne ziman. Wekî destpêk ji bo şanoyan awazan û stranan ber hev dike. Lê ev wî têr nake, gelek pêl di nava wî de hene û dixwaze wan derxe ji derve. Di sala 2000’î de cara yekemîn dest diavêje kamerayê û li gel hevalê xwe Kovan Salim yekemîn klîba xwe ji bo zarokan çêdike. Ew destpêk dibe bingeheke xurt di warê derhênertiya wî de.
Heta îro bi dehan klîpan ji hunermend û stranbêjan re tomar kiriye. Hindek ji wan ev in; Canê, Ebdulqehaar Zaxoyî, Xêro Ebas, Ednan Salih, Guropa Mûzîkê, Silêman Gulî, Sadiq Binavî, Îslam Zaxoyî, Dilşad Nêrweyî, Rêving Maltayî, Mihemed Silêvaneyî


Derhêner Kamîran Bêtasî van sînoran jî derbas dike û çend karên belgefîlman dike, wekî belgefîlma ser helbestvan Selah Sadûlla(Hevserê Sînem Xanê). Belgefîlma li ser Erdewan Zaxoyî, li ser Eyaz Yûsiv, li ser Hesenê Cizîrî, li ser helbestvan Xalis Xelîl, li ser Çemê Xabûr..lê ev kar jî wî têr nakin û dixwazê wan aşûpên di mêjiyê xwe de derbasî nava cîhana fîlman bike. Ji encama kar û xebata wî ya bi rêk û pêk deriyê xelatan lê ve dibe û gelek xelatan werdigire. Di sala 2010’an de di Yekemîn Mîhrîcana Kurtefîlman a Duhokê de xelata derhênerê herî baş werdigire

Serbûriyek

Author & Editor

Has laoreet percipitur ad. Vide interesset in mei, no his legimus verterem. Et nostrum imperdiet appellantur usu, mnesarchum referrentur id vim.