Piştî keftûleft û suprîzên deh rojan mîhrîcana herî bi prestîj a sînemayê ku îsal a 64’emîn li dar ket; Mîhrîcana Fîlmana a Navneteweyî ya Cannesê bi merasîma xwelatdayînê bidawî bû. Di van deh rojan de gelek fîlm hatin nîşandan û ligel nîşandana fîlman gelek bûyer jî li Cannesê qewimîn. Ji bilî nîşandana fîlman û nîqaşên li ser sînameyê; bûyerên û senkên polîtîk û daxuyaniyên cuda jî mohra xwe li mîhrîcana navdar xistin.
Di herka mîhrîcanê de gelek axaftinên tûj, biryarên girîng û qewirandina derhêneran jî di nav de gelek bûyer qewimîn. Belê ev bûyer bi tevahî li mîhrîcana li tevahiya cîhanê navdar îsal pêk hatin. Wekî her sal kevneşopî neguherî û heyeta juriyê bi biryarên xwe beşdaran matmayî û şaşwaz hişt. Sînemavanên navdar û jêhatî bêxelat û destvala ji Cannesê veqetiyan. Di aliyê din de yên xelat wergirtin ji biken û coşek mezin berê xwe dan welatên xwe…
Merasîma belavkirina xelatan a di Qesra Mîhrîcanê li Salona Navendî bi tevlibûna hezaran kesî pêk hat. Di merasîma dayîna xelatan de ji cîhana sînemayê, siyasetê û gelek kesên din ên navdar hebûn.
Serokê heyeta juriyê Robert De Niro, di şevê de ango di merasîma xelatdayînê de axaftinek kir û gotk ku ew wekî heyeta juriyê di niqandina fîlmande gelek zehmetiyê kêşane û wiha axivî: “Me di nav van çend rojên mîhrîcanê de gelek fîlman temaşe kir. Fîlmên ku di beşa pêşbirkê de hatin nîşandan bi rastî jî yek ji yekê hêjatir û balkêştir bû. Her yek xwedî gotinek û krîterên sînemayê bûn. Lê belê me wekî juriyê van fîlman layîqî xelatan dît.” Piştî axaftinan heyeta juriyê fîlmên ku xelat wergirtine aşkera kir.
FÎLMÊ MALICK
Li gorî aşkerakirina xelatan fîlmê derhêner Terrence Malick, yê bi navê ‘Tree Of Life-Dara jiyanê’ xelata mezin ango ‘Palmiyeya Zêrîn’ wergirt. Fîlm bi mijara xwe ve jî balê dikişîne. Mijara fîlmê wiha ye; fîlmê behsa malbatekê ji rojavaya navîn ên di salên 1950’yî de tîne ser perdeya spî, di fîlmê de dîmenên balkêş û çîrokekê nostaljîk heye. Kurt û kurmancî fîlm layiqî temaşekirinê ye.
aliguler7@yahoo.com
Xelatên 64’emîn Mîhrîcana Fîlman a Cannesê
Palmiyeya Zêrîn: Tree of Life - Terence Malick
Xelta Juriya Mezin: Bir Zamanlar Anadolu’da (Nurî Bîlge Ceylan) û Le Gamin Au Vélo (Jena-Pierre ve LucDardenne)
Derhenêrê Herî Baştirîn: Nîcolas Winding Refn - Drive
Serlistîkvanê Herî Baştirîn: Jean Dujardin- Artist
Serlistîkvana Herî Baştirîn: Kirsten Dunst - Melancholia
Senaryoya Herî Baştrîn: Footnote Joseph Cedar
Xelata Juriyê ya Taybet: Polisse (Derhenêr: Maiwenn)
Kameraya Zêrîn (Camerad’Or): LasAcacias (Derhenêr: Pablo Giorgelli)
Kurtefîlm: Cross Country (Derhenêr: MarynaVroda)
A. Welat
Has laoreet percipitur ad. Vide interesset in mei, no his legimus verterem. Et nostrum imperdiet appellantur usu, mnesarchum referrentur id vim.
0 yorum:
Post a Comment